گوڵان:كارزان كانەبی
تیپی تۆپی پێ یانەی هەولێر بە سەركەوتنی بەسەر یانەی عەهدی لوبنانی گەیشتنە قۆناغی دووەمی جامی یەكێتی ئاسیا.
لە شاری هەولێر لەسەر یاریگای نێو دەوڵەتی شەهید فرەنسۆ هەریری بە ئامادەبوونی ژمارەیەكی زۆری هاندەرانی وەرزشی لە گەڕی پێنجەمی جامی یەكێتی ئاسیا هەردوو یانەی هەولێر عەهدی لوبنانی بەیەك گەیشتن،لە یارییەكەشدا یاریزانانی هەولێر لە هەردوو گێمی یارییەكە ئاستێكی بەرزیان پێشكەش كردو یارییەكەشیان بە ئەنجامی (6-2)گۆڵ بردەوە گۆڵەكانی هەولێر یاریزانان (موسلیم مبارك،مستەفا ئەحمەد،شوان مامۆ،نەبیل سەباح،هەڵگورمەلا محەمەد،سامر زبێدی بەهەلەلە خۆیان) تۆماریان كرد،بەم ئەنجامەش یانەی هەولێربە كۆكردنەوەی 11خاڵ پێشەنگی گروپەكەی گرت وگەیشتە قۆناغی شانزەی جامی ئاسیا.