دوای ئەوەی خولی پلە نایابەكانی كوردستان بۆ تۆپی باسكە تەواوبوو و یانەی دهۆك توانی نازناوی ئەم خولە بە دەستبهێنێت بۆ جاری سێیەم، یەكێتی تۆپی باسكەی كوردستان بڕیاری داوە لە داهاتووێكی نزیكدا مەراسیمی خەڵاتكردنی تیپە سەركەوتووەكانی ئەم خولە ئەنجام بدرێت لە پلەی یەكەم تا پلەی سێیەم، كە تیایدا یانەی دهۆك توانی پلەی یەكەم بۆ جاری سێیەم بە دەستهبێنێت و یانەی زاخۆ پلەی دووەمی بە دەستهێنا و یانەی ئاسۆ پلەی سێیەمی بە دەستهێنا، هەروەها هەردوو یانەی ئەكاد و سیروانی نوێ ماڵئاواییان لە خولی نایابی كوردستان كرد و دابەزینە خولی پلە یەكەكانی كوردستان، ریزبەندی یانەكان بەمشێوەیە.
1- دهۆك 27 خاڵ، 2- زاخۆ 26 خاڵ، 3- ئاسۆ 24 خاڵ، 4- پێشمەرگەی سلێمانی 20 خاڵ، 5- دوبس 19 خاڵ، 6- سۆلاڤی نوێ 19 خاڵ، 7- سیروانی نوێ 17 خاڵ، 8- ئەكاد 15 خاڵ.
جێگەی باسە خولی نایابی كوردستان بە سەرپەرشتی یەكێتی تۆپی باسكەی كوردستان ساڵانە ئەنجام دەدرێت، تا ئێستا چوار جار ئەنجام دراوە، كاتێك لە ساڵی (2007-2008) یەكەم خول ئەنجام درا و یانەی دهۆك نازناوەكی بەدەستهێنا دواتر لە وەرزی (2008-2009) دووەم خول ئەنجام درا و یانەی سەنحاریب بووە پاڵەوان و لە وەرزی (2009-2010) سێیەم خول ئەنجام درا و یانەی دهۆك بووە پاڵەوان و لە وەرزی (2010-2011) چوارەم خول ئەنجامدرا و یانەی دهۆك پارێزگاری لە نازناوەكەی كرد.