راهێنەری ئەڵمانی سیدكا دوای ئەوەی یەكێتی تۆپی پێی عێراق متمانەی بەم راهێنەرە بەخشیەوە هەوڵ دەدات هەڵبژاردەیەكی بەهێز دروست بكات، بۆ ئەو مەبەستە سەردانی وڵاتەكانی ئەڵمانیا و هۆڵەندە و سوید و نەرویج و چەندین وڵاتی تری ئەوروپا دەكات بۆ ئەوەی لە نزیكەوە سەیری یارییەكانی یاریزانە عێراقیەكان بكات، كە لەم خولانە یاری دەكەن بۆ ئەوەی بانگهێشتی هەڵبژاردەی عێراق-یان بكات، بۆ ئەم مەبەستە سیدكا لیستی ئەم یاریزانانەی ئاشكرا كرد، كە ئامادەی یارییەكانیان دەبێت بەمشێوەیە خوارەوە.
1- شەپۆل عەلی (یانەی ئین ئەی سی هۆڵەندە)، 2- ئوسامە رەشید(یانەی فاینۆرد هۆڵەندە)، 3- ئەنمار مباركی (یانەی هیراكلیس هۆڵەندە)، 4-عەلی مارد (یانەی مالمۆ سیتی سوید)، 5- سیف كازم(یانەی ئۆرگێتی ئیس)، 6- عەلی یاسین (یانەی ئۆربێرۆ سوید)، 7- زین عابدین موخلص(یانەی سیریانسكا سوید)، 8- جووتیار مولود (یانەی نۆرنبێرگ ئەڵمانیا)، 9- داود حەیدەر (یانەی هاڵشێر ئەڵمانیا)، 10- حوسێن عوسمان(یانەی ئینتراخت فرانكفۆرت ئەڵمانیا)، 11- راوێز لاوان (یانەی نۆرسلاند دانیمارك)، 12- شوان جەلال(یانەی بۆرنموس ئینگڵتەرە (گۆڵچی))، 13- یاسر قاسم(یانەی برایتۆن ئینگڵتەرە).
جێگەی باسە هەفتەی رابردوو سیدكا ئامادەی یاری چەند یاریزانێك بوو و سەرسام بوو بە ئاستی ئەم یاریزانانە و هیوای خواست كۆمەڵێكی باش بۆ هەڵبژاردەی عێراق بانگهێشت بكات بۆ ئەوەی بتوانێت هەڵبژاردەیەكی باش بۆ یارییەكانی پاڵاوتن بۆ جامی جیهانی 2014 ئامادە بكات.