دوای ئەوەی یەكێتی پایسكلسواری عێراق بڕیاری دا پێنج راهێنەر لەسەر ئاستی عێراق بۆ وڵاتی ئیمارات بنێرن بەمەبەستی بەشداریكردنیان لە خولێكی نێودەوڵەتی لەسەر ئاستی تراك. شاندی عێراق لە رێگەی فڕۆكەخانەی بەغدادی نێودەوڵەتی بەرەو شاری دوبەی بەرێكەوتن دواتر شاندەكە لە شاری دوبەی چوونە شاری شارقە، چونكە لەم شارە یاری پایسكلسواری لەسەر تراك زۆر باوە، ئەم خولە ماوەی پێنج رۆژی خایاند و لەسەر ئاستی عێراق پێنج راهێنەر بەشداریان كرد، كە سێ لەم راهێنەرانانە كورد بوون، راهێنەرە بەشداربووەكان بریتی بوون لە.
1- موسی موحسین راهێنەری یانەی هەولێر، 2- سەمیر سدیق راهێنەری یانەی برایەتی، 3- فەرمان رەحمان راهێنەری یانەی سۆلاڤ، 4- زیادین عەباس راهێنەری یانەی سەناعە، 5- سەعد سعود راهێنەری یانەی ئیتفاق.
ئەم خولە هەریەكە لە پسپۆری بواری پایسكلسواری لەسەر تراك عەبدوڵڵا سوێدان، كە بە رەگەز ئیماراتییە و تایبەتمەند بوو لە چۆنیەتی مەشق و راهێنان لەسەر تراك و محەمەد ناعجی كە جەزائیریە تایبەتمەند بوو لە بواری یاسای پایسكلسواری لەسەر تراك و عەلی عیسوی كە ئیماراتییە و تایبەتمەند بوو لە بواری ناوبژیوانی، خولەكە بە شێوازی پراكتیكی و تێوری بەڕێوە دەچوو دوای تەواوبوونی خولەكە تاقیكردنەوە بۆ راهێنەرە بەشداربووەكان ئەنجام درا و لەم خولە دوو بڕوانامە دابەش كرا، بڕوانامەی یەكەم لە لایەنی یەكێتی پایسكلسواری ئیماراتی بوو و بڕوانامەی دووەم لە لایەن پەیمانگای سەركەرتیتی بۆ پایسكلسواری دابەش كرا.
جێگەی باسە ئەم یارییە لە كوردستان و عێراق بوونی نییە.