گوڵان/س.م

یانه‌ى به‌رشه‌لۆنه‌ى ئیسپانى توانى بردنه‌وه‌ تۆماربكات به‌سه‌ر رِكابه‌ره‌ دێرینه‌كه‌یدا و خۆی له‌ كۆتایی جامى یانه‌ پاڵه‌وانه‌كانى ئه‌وروپا نزیك بكاته‌وه‌.

له‌میانى یاری چونى خولى یانه‌ پاڵه‌وانه‌كانى ئه‌وروپا یانه‌ى به‌رشه‌لۆنه‌ توانى له‌ناو یاریگاى رِیاڵ مه‌درید سه‌ركه‌وتنێكى به‌نرخ به‌ده‌ستبهێنێت و به‌ئه‌نجامى دوو گۆڵى بێ به‌رامبه‌ر سه‌ربكه‌وێت.

هه‌ردو گۆڵه‌كه‌ى به‌رشه‌لۆنه‌ له‌لایه‌ن باشترین یاریزانى دوو ساڵى رِابردوى جیهان "لیۆنێل میسی" تۆماركران.
دوو گۆڵه‌كه‌ى به‌رشه‌لۆنه‌ پاش ده‌ركردنى یاریزانى رِیاڵ مه‌درید "پیپی" هات كه‌به‌هۆى ته‌داخولێكى توند له‌سه‌ر دانیال ئه‌لڤێس هات.
برِیاره‌ هه‌فته‌ى داهاتو له‌ناویاریگاى به‌رشه‌لۆنه‌ یاری هاتن ئه‌نجام بدرێت و براوى هه‌ردو یاریه‌كه‌ ده‌گاته‌ یاری كۆتایی خولى یانه‌پاڵه‌وانه‌كانى ئه‌وروپا.