لیۆنێل میسی ئه‌و ناوه‌ى رِۆژانه‌ گوێبیستى ده‌بین و به‌ئاسته‌ به‌رزه‌كه‌ى سه‌رسامان ده‌كات، له‌سه‌ره‌تایی ته‌مه‌نى وه‌رزشیدا ده‌یه‌وێت سه‌رجه‌م ژماره‌ پێوانه‌ییه‌كان تێپه‌رِێنێت و ناوى خۆى به‌ زێرِ له‌ مێژوى تۆپی پێدا تۆماربكات.
میسی، ساڵ به‌ساڵ ئاستى له‌به‌رزبونه‌وه‌دایه‌ء، چه‌ند رِیكۆردێكى نوێى له‌مێژوى ژیانى خۆیدا تۆماركردوه‌ و ، توانى گۆڵه‌كانى خۆى له‌م وه‌رزه‌دا بگه‌ێنێته‌ 48 گۆڵ له‌سه‌رجه‌م خوله‌كاندا، و ته‌نها یه‌ك گۆڵى ماوه‌ ژماره‌ى پێوانه‌یی بشكێنێت كه‌ 49 گۆڵه‌ به‌ناوى یاریزانى به‌ناوبانگ "بوشكاش"، له‌كاتێكدا ماوه‌ى زیاتر له‌مانگێك یاری كردن له‌به‌رده‌میدا ماوه‌.

ئه‌ستێره‌كه‌ى یانه‌ى به‌رشه‌لۆنه‌ و هه‌ڵبژارده‌ى ئه‌رجه‌نیتن، گۆڵكارى خولى ئیسپانیه‌ به‌تۆماركردنى 29 گۆڵ له‌ 31 یاریدا، و له‌خولى یانه‌ پاڵه‌وانه‌كانى ئه‌ورپادا به‌هه‌مان شێوه‌ گۆڵكاره‌ به‌تۆماركردنى 9 گۆڵ له‌ 10 یاریدا، و هه‌روه‌ها له‌ جامى سوپه‌رى ئیسپانى خاوه‌نى 3 گۆڵه‌ و له‌ جامى شای ئیسپانیاش خاوه‌نى 7 گۆڵه‌، ئه‌مه‌ جگه‌ له‌ دروست كردنى 28 گۆڵ بۆ هاورِێكانى له‌سه‌رجه‌م خوله‌كاندا.
سایتى (كاسترۆ)ـى تایبه‌ت به‌ هه‌ڵسه‌نگاندنى یاریزانان بڵاوى كرده‌وه‌ میسی جگه‌ له‌تۆماركردنى 29 گۆڵ بۆیانه‌كه‌ى له‌ خولى ئیسپانیا، توانیویه‌تى 18 گۆڵ بۆ هاورِێكانى دروست بكات، و ئه‌مه‌ش ژماره‌یه‌كى پێوانه‌یی نوێیه‌، و دواى ئه‌ویش كریستیانۆ رِۆناڵدۆ دێت به‌ تۆماركردنى 28 گۆڵ و دروستكردنى 7 گۆڵ