له پاڵه‌وانیَتیی عه‌ره‌ب بۆ به‌رزكردنه‌وه‌ی قورسایی: كچانی هه‌ولیَر چه‌ندین مه‌دالیا به‌ده‌ست ده‌هیَنن
فۆتۆ: مه‌لا ئه‌مین سه‌بری
له رۆژی دووه‌می پاڵه‌وانیَتیی عه‌ره‌ب بۆ به‌رزكردنه‌وه‌ی قورسایی، كچانی یانه‌ی هه‌ولیَر توانییان چه‌ندین مه‌دالیای جیاواز له كیَشه جیاوازه‌كاندا به‌ده‌ست بهیَنن و ببنه مایه‌ی سه‌رنجرِاكیَشانی ئاماده‌بووانی ءپاڵه‌وانیَتیی پیَنجه‌می یانه‌كانی عه‌ره‌ب كه له دیمه‌شقی پایته‌ختی سوریا به‌رِیَوه ده‌چیَت.
له كیَشی 53 ی تازه‌پیَگه‌یشتوواندا دونیا جه‌میل پله‌ی یه‌كه‌م و 3 مه‌دالیای زیَرِی به‌ده‌ست هیَنا.
له كیَشی 58 كیلۆگرامی تازه‌پیَگه‌یشتوواندا فاتیمه جه‌مال پله‌ی یه‌كه‌م و 3 مه‌دالیای زیَرِی به‌ده‌ست هیَنا.
له كیَشی 58 كیلۆگرامی لاواندا شه‌ونم جه‌مال پله‌ی دووه‌م و دوو مه‌دالیای زیوی به‌ده‌ست هیَنا. له كیَشی 58 ی پیَشكه‌وتوواندا نه‌رمین فایق 3 مه‌دالیای برِۆنزی ده‌سته‌به‌ر كرد.
له هه‌مان كیَشدا نازدار خه‌لیل پله‌ی پیَنجه‌می به‌ده‌ست هیَنا.
وا برِیاره ئه‌مرِۆ پیَنجشه‌ممه 22 ی كانوونی یه‌كه‌م كیَبرِكیَی كیَشه‌كانی 63 و 69 و 75 و +75 بۆ كچان به‌رِیَوه ده‌چیَت كه یانه‌ی هه‌ولیَر به‌شداریی تیَدا كردووه و چاوه‌ِروان ده‌كریَت ئه‌نجامی باش به‌ده‌ست بهیَنن. هه‌مان سات پاش ته‌واوبوونی ململانیَی كچان، مه‌دالیا به‌سه‌ر سه‌ركه‌وتووان دابه‌ش ده‌كریَت.
جیَی باسه یانه‌ی هه‌ولیَر له‌م پاڵه‌وانیَتییه‌دا به پاڵپشتیی كۆءمپانیای عادل ئه‌لموته‌حیده به‌شداریی كردووه.
