ئیتۆ به‌باشترین یاریزانى ئه‌فریقاى 2010 ده‌ستنیشان كرا
له‌میانه‌ى رِیَورِه‌سمیَكدا كه‌له‌شارى قاهیره‌ى پایته‌ختى میسر به‌رِیَوه‌چو یاریزانى ئه‌نته‌رمیلان و هه‌لبژارده‌ى كامیرۆن (سامیۆل ئیتۆ) به‌باشترین یاریزانى ساڵى 2010ـى كیشوه‌رى ئه‌فریقا ده‌ستنیشان كرا.
دواى وه‌رگرتنى نازناوه‌كه‌ى ئیتۆ رِایگه‌یاند: ئه‌مه سه‌ركه‌وتنیَكى گه‌وره‌یه له ژیانى وه‌رزشیمدا كه بۆ چواره‌م جاره ئه‌م نازناوه به‌ده‌ست ده‌هیَنم و دوباره‌بونه‌وه‌ى كاریَكى ئه‌سته‌مه.
گوتیشی: كیشوه‌رى ئه‌فریقا چه‌ندین یاریزانى لیَهاتوى تیَدایه بۆیه ده‌زانم ئه‌مه دوایین جاره ئه‌م خه‌لاَته وه‌رده‌گرم، و به‌رده‌وام هه‌وڵ ده‌ده‌م ئاستیَكى به‌رز پیَشكه‌ش بكه‌م.
شایانى باسه ئیتۆ توانى له‌گه‌ڵ یانه‌كه‌یدا نازناوى جامى جیهانى یانه‌كان و جامى ئیتاڵیا و خولی ئیتاڵیا و جامى یانه‌پاڵه‌وانه‌كانى ئه‌وروپا و جامى سوپه‌رى ئیتاڵى به‌ده‌ستبهیَنیَت.
