ئه‌نته‌رمیلان بوه پاڵه‌وانى جیهان و پیَنجه‌مین جامى به‌رزكرده‌وه
یانه‌ى ئه‌نته‌رمیلانى ئیتاڵى توانى پیَنجه‌مین جامى ئه‌م وه‌رزه به‌رزبكاته‌وه و ببیَته پاڵه‌وانى جامى جیهانى یانه‌كان دواى بردنه‌وه‌ى له یانه‌ى مازیمبی ولاَتى كۆمارى كۆنگۆ.
له‌یارى كۆتایی جامى جیهانى یانه‌كان یانه‌ى ئه‌نته‌رمیلانى ئیتاڵى به‌ئه‌نجامى سیَ گۆڵى بیَ به‌رامبه‌ر له یانه‌ى مازیمبی برده‌وه، و گۆڵه‌كانى یانه‌ى ئه‌نته‌رمیلان له رِیَگه‌ى یاریزانان (گوران پاندیَڤ) له خوله‌كى 13 و (سامیۆل ئیتۆ) له خوله‌كى 17 و (بیابیاتى) له خوله‌كى 85 تۆماركرا.
به بردنه‌وه‌ى ئه‌م جامه ئه‌نته‌رمیلان توانى پیَنجه‌مین جامى له‌سه‌ریه‌ك به‌رزبكاته‌وه و ببیَته باشترین یانه‌ى 2010 .
