لەدایكبووی سالی 1986، یەكێكە لە یاریزانە بەتواناكانی یاری بالە، لە پاڵەوانەتی خولی شیاندنی یانە پلە یەكەكانی كوردستان ئاستێكی بەرزی پێشكەش كرد، ماوەی چەند سالێكە لەگەڵ یانەی سۆران وەكو یاریزان بەشداری لە چەندین پاڵەوانەتی كردووە، لەهەمان كاتیشدا فەرمانبەرە لە سەرۆكایەتی زانكۆی سۆران. ئێمەش ئەم دیمانیيەمان لەگەڵی ئەنجامدا.
*ئاستی یاری بالەی كچان لەكوردستان چۆن دەبینی؟
-لەم ساتەدا ئاستی یاری بالە لە كوردستان لەچاو جاران زۆر پێشكەوتووە كچان زیاتر روو لەیاری بالە دەكەن.
*بە بۆچوونی تۆ چی بكرێت باشە بۆبەرەو پێشچوونی ئەم یارییە؟
-پێمباشە خولی بەردەوام بكرێتەوە لەگەڵ دابینكردنی هۆڵی تایبەت بۆكچان بۆئەوەی خۆیان بەباشی لە نێو بواری یاری بالە بدۆزنەوە، چونكە لەشاری سۆران هۆڵی داخراو نیيە تایبەت بێت بۆكچان.
*یانەكانی كوردستان وەكو پێویست گرنگی بە یارییەكانی كچان دەدەن؟
- لە چاو خۆیان باشن تاراددەیەك.
*كێشەو گرفتان چییە لەم یارییە؟
-كێشەو گرفتەكانمان نەبوونی هۆڵێكی داخراوە.
* خانەوادەكەت رێگریت لێ ناكەن لە وەرزش كردنت؟
-بەهیچ شێوەیەك تا ئێستا بەربەست نەبووینە لەبەردەم وەرزش كردنم، خۆشیان لە ماڵەوە یاری بالە ئەنجام دەدەن.
*داواكاریت چییە لەلایەنی بەرپرس؟
- بەهیوای ئەوەم بتوانن لە ئێستا زیاتر پشتگیری كچان بكەن.
*ساڵانە كردنەوەی یەك پاڵەوانەتی بۆئێوەی كچان كەم نیيە؟
-خولێك كەمە، ئەگەر بكرێت خولی تریش بكرێتەوە، ئەوا ئاستی كچان زۆر باش دەبێـت.
*چی بكرێت باشە بۆئەوەی وەرزشی كچان پێش بكەوێـت؟
-هەرچی بكرێت بۆكچان هەركەمە، پشتگیری كردن و دابینكردنی پێداویستییەكان باشترین شتە.
*راگەیاندنەكان وەكو پێویست گرنگیان بە ئێوە داوە؟
-هیچ كەم تەرخەمیان نەكردووە.
*هیواو ئاواتت وەكو یاریزانێك؟
-بتوانم بەرزترین ئاستی یاری بالە پێشكەش بكەم.
*دەستەی كارگێڕی یانەكەتان چۆن هاوكاریتان دەكەن؟
-هیچ كەمتەرخەمیان نەكردووە.
*پەیامت چییە بۆئەو خێزانانەی كە رێگری لە كچەكانیان دەكەن لەوەرزش كردنیان؟
-بە زووترین كات بتوان بە پێچەوانەی خۆیان یارمەتی كچەكانیان بدەن.