گالیانى: كاكا ناگه‌رِیَته‌وه میلان و پاتۆ بۆ فرۆشتن نییه
جیَگری سه‌رۆكى یانه‌ى میلانى ئیتاڵى (گالیانی) به‌دورى زانى كه جاریَكى تر كاكا بگه‌رِیَته‌وه بۆ یانه‌ى میلان و ئاماژه‌ى به‌وه‌دا كه كاكا له رِیال مه‌درید موچه‌ى زۆره و نایه‌ویَت موچه‌كه‌ى كه‌م بكاته‌وه بۆیه زه‌حمه‌ته به‌گه‌رِیَته‌وه بۆ میلان.
گالیانى ده‌رباره‌ى ئه‌گه‌رى هاتنى میسی بۆ یانه‌ى ئه‌ى سی میلان گوتى: زۆر زه‌حمه‌ته میسی بیَته میلان چونكه نرخى هه‌ڵوه‌شاندنه‌وه‌ى بۆنده‌كه‌ى 150 ملیۆن یۆرۆیه، و میلان ناتوانیَت میسی بهیَنیَته رِیزه‌كانى.
ده‌رباره‌ى هیَرشبه‌رى یانه‌كه‌یان ئه‌لیَكسه‌نده‌ر پاتۆ ، جیَگری سه‌رۆكى میلان گوتى: پاتۆ به‌هیچ شیَوه‌یه‌ك بۆ فرۆشتن نییه و له‌یانه‌كه ده‌میَنیَته‌وه و رِوناكاته هیچ یانه‌یه‌كى تر.
