شاشە جۆكەرەكەی سامسۆنگ بۆ گشت ئەركێك
![شاشە جۆكەرەكەی سامسۆنگ بۆ گشت ئەركێك](https://gulanmedia.com/public/old_images/topics/shashajokare-samsung.jpg )
سامسۆنگ لەم ماوەیەدا مۆنیتۆرێكی هەمەكارەی بەناوی C34F791 بەرهەم هێناوە، كە لەیەك كاتدا دوو ئەرك ئەنجام دەدات و دەكرێت بە دوو بەشەوە، لە بەشێكیان دەكرێت سەیری فیلم بكەی و لەبەشەكەی دیكە كاری دیزاین ئەنجام بدەی. شاشەكەی كەوانەییە. گرنگی شاشەكە لەوەدایە كە كێشەیەك بۆ زۆربەی ئەوانەی كاری دیزاین و نەخشەسازی دەكەن ئەوەیە كە رەنگی سەر مۆنیتۆرەكە لەگەڵ رەنگی ئەو رەنگەی دەكەوێتە پرێنت و چاپ دەكرێت جیاوازە، بۆ نموونە رەنگێك هەیە سوورێكی تۆخە، بەڵام كاتێك پرێنتی دەكەی كاڵ دەبیندرێ.. بەڵام لەو شاشەیەدا ئەو رەنگەی چاپ دەكرێ و رەنگەكانی سەر شاشەكە یەك جۆرن. شاشەكە لاكێشەییەو 34 ئینجە. كوالیتی نیشاندان لە شاشەكەدا 5/2 زیاترە لە گشت مۆنتیۆرێكی فول ئێج دی لە جیهاندا.
سیستەمێك لە شاشەكەدا هەیە ئەگەر چەندین كاتژمێر لەسەریەك لەسەر شاشەكە كار بكەی، چاوەكانیان تووشی ژان نابن و ئازار نابینن. كەوانەیی شاشەكە لەگەڵ تیشكێكی شین كە لە شاشەكە دێتە دەرەوە وا دەكات چاوەكان هەست بەماندووییەتی نەكەن.