لەم ماوەیەدا بۆ دەزگای پۆلیسی دوبەی جۆرێك مۆتۆرسكلیت بەناوی (Hoversurf) هاتووە، كە بە ئەرزدا ناڕوات و وەك فڕۆكەیەكی بچووك بۆ ئەوەی زووتر بگاتە ئامانجەكەی بە ئاسماندا دەڕوات، جگە لەو ناوەی ئاماژەمان پێدا بە مۆتۆری "هاڤێر بایك"یش ناسراون.
مۆتۆرەكە لە راستیدا كۆداكۆپتەرێكی مەزنە كە توانای هەڵگرتنی یەك كەسی هەیە و بۆ گەیشتن بە ئامانجەكان چ ئەمنییەتی بێت یان خزمەتگوزاری گەیاندن وەك پزیشكی و فریاكەوتن سوودی لێوەردەگیردرێت.
پۆلیسی دوبەی لەم ماوەیەدا وەك نمایشێك نیشانی دا و بڕیار وایە بە فرەیی بەكاری بێنێ، هەروەك لەكاتی فڕیندا ئاماژەی پێكرا مۆتۆڕەكە لەكاتی پێویستدا بۆ شوێنە هەستیارە و دژوارەكان بەكاردێت و لەو شوێنانەی رێگایان بۆ ناڕوات و یان قەرەباڵغن لە ئۆتۆمبیلی تایبەت بە پۆلیس زووتر دەگاتە ئامانج. مۆتۆڕەكە بە شێوەی ستوونی بەرز دەبێتەوە و هەر ئاواش دەنیشێتەوە، بە گشت لایەكدا بە خێراییەكی باش دەڕوات، خێراییەكەی 100 كیلۆمەترە و دەتوانێت هەتا 5 مەتر بەرز بێتەوە. كێشەكەی 114 كیلۆ دەبێت. هەتا ئێستا كێشەی سەرەكی مۆتۆڕەكە لە ماوەكەیدایە چونكە تەنیا دەتوانێت نیو كاتژمێر بفڕێت و شەحنی دادەبەزێت.