ئێستا ئاوێنە هەر پارچە جامێك نییە كە روخساری خۆتی تێدا ببینی، ئاوێنەی سەردەمی دیجیتالی، جگە لە نیشاندانی روخسار، زانیارییە گرنگەكانی رۆژ باس دەكا، كەش و هەوا نیشان دەدا و فەیسبوك و یوتیوبیشی پێدەكرێتەوە..
ئاوێنەی سمارتی جۆری Mini Premium جگە لەوەی كە ئاوێنەیەكی هۆشمەندە و روخساری بەكارهێنەرانی دەناسێتەوە، لە بوارەی كەموكوڕی پێستی بەكارهێنەرەكەشی رێنمایی هەیە. لە راستیدا ئاوێنەكە خۆی پێكهاتووە لە كامێرایەكی هۆشمەند كە لەناو شاشەیەكی لەمسی داندراوە و سیستەمێكی تایبەتی تێدایە بەناوی Skin Analysis كە لانی كەم 10 هەڵە و پەڵەی دەموچاو نیشان دەدا، وەك چرچ و لوچی پێست، هێڵی بەرجەستە، خاڵی رەش رەش، پەڵە و خاڵی سوور، زیبكە و نەخۆشییەكانی پێست...تاد.
ئاوێنەكە دوای نیشاندانی خاڵ و پەڵەكانی روخسار، بەكارهێنەرەكەی ئاگادار دەكاتەوە كە چۆن ئەو خاڵ و پەڵانە لاببات. جگە لەو تایبەتمەندییانە، ئاوێنەكە چ شوێنێك لە روخسار بتەوێ بە گەورەیی نیشانی دەدات تا بە وردی ببیندرێ، جگەلەوەش رۆژژمێری گوگل و فەیسبوك و ئینستاگرامیش دەكاتەوە.