پاوەڕبانك یان شەحنی سەفەری كارئاسانییەكی زۆری كردووە بۆ ئەوەی لەو كاتانەی كە كارەبا نییە بتوانی مۆبایلەكەت یا كامێراكەت شەحن بكەیەوە، ئەی ئەگەر لە شوێنێكی دوورەدەست بی و پاوەڕبانك و كارەباش نەبێت؟ رەنگە لەكاتێكی وادا شەحنكەرەوەی هەندێلی یارمەتیدەریت بێت.
شەحنكەرەوە هەندێلیەكانیش قەبارە و تواناییان جیایە، ئەم پاوەڕبانكە هەندێلیە، توانای هەیە مۆبایل و تەبلێت و كامێرا شەحن بكاتەوە، كێشی كەمە و قەوارەشی گەورە نییە. ئەگەر نیو چركە بیسوڕینی، دەتوانی 5 خولەك رووناكی بدا، ئەگەر دوو خوڵەك بیسوڕینی، هەتا 6 خولەك سوود لە مۆبایل وەربگری و نیوكاتژمێریش لە حاڵەتی ستاندبایدا دەمێنێتەوە.