پرۆگڕامی گەڕاندنەوەی فایلە سڕاوەكان گەلێكن و تایبەتمەندی و تواناكانیان جیاوازە، پرۆگرام هەیە تەنیا بۆ یەك مەبەست دیاریكراوە و یەك جۆرە فایل دەگەڕێنێتەوە، جا فایلەكە دەق بێت یان وێنە یان دوكیومێنت و فیلم...
پرۆگرامی Stellar Phoenix Photo Recovery هەر لەناوەكەیدا دیارە بۆ مەبەستێكی دیاریكراوە و زیاتر بۆ گەڕاندنەوەی وێنەیە. ئەو وێنانەی بەهۆی هەڵەی بەكارهێنەر، یان بەهۆی فۆرماتەوە لەسەر كۆمپیوتەر یان فلاش یا میمۆری كامێرا دەسڕێنەوە.
راستە پرۆگرامەكە بۆ وێنە دیاریكراوە، بەڵام دەتوانێت فایلی دەنگ، داتا و ڤیدیۆش بگەڕێنێتەوە، جا چ لەسەر مۆبایل بێت یان كۆمپیوتەر و كامێرای دیجیتالی. بەشێك لە تواناكانی پرۆگرامەكە ئەمانەن:
- سوود وەرگرتن لە نوێترین رێكارەكانی گەڕاندنەوەی وێنە.
- گەڕاندنەوەی وێنە بە هەر فۆرماتێك بێت.
- گەڕاندنەوەی هەر جۆرە فایل و داتایەك.
- نیشاندانی فایلی مەبەست بەر لەگەڕاندنەوەی.
- خێرایی زۆر لە گەڕاندنەوەی فایلەكان.
- گونجان لەگەڵ گشت جۆرە سیستەمێك.