لینۆڤۆ كۆمپانیایەكی گرنگی چینیە، لە بواری بەرهەمهێنانی ئامێری دیجیتالیدا چالاكی هەیە، لە پیشانگای ساڵانەی IFA 2018دا چەندین بەرهەمی خۆی خستەڕوو كە لێرەدا ئاماژە بە سێ بەرهەمی دەكەین.
پلاكی كارەبایی زیرەك: ئەم پلاكە كارەبایی گرنگی زۆری هەیە و لەریزی ئینتەرنێتی كاڵا دێت، واتە دەكرێت لە رێگای دوورە كۆنترۆڵ بكرێت. بۆ نموونە دەكرێت بۆ هەر یەكێك لە تەلەڤزیۆن، بەفرگر، سپلیت، جلشۆر، قاپ شۆر.. تاد، پلاكێك دابندرێت و لەرێگای دوورەوە كۆنترۆڵیان بكەی.
گلۆپی هۆشمەند: ئەم گلۆپە گرنگییەكەی لەوەدایە دەكرێت لە رێگای مۆبایلەكەتەوە لە هەر شوێنێك لە جیهان بی، هەڵی بكەی و بیكوژینەوە، یان رووناكییەكەی كەم و زیاد بكەی، تەنانەت رەنگی تیشكەكە بە ویستی خۆت بگۆڕی، هەروەها بۆ شەو و رۆژ و بۆ خوێندنەوە، پشوودان رووناكییەكە رێك بخەی.
كامێرای هۆشمەند: ئەم كامێرایە دەكرێت وەك كامێرای چاوەدێری سوودی لێوەربگری، دەكرێت دەنگ بەباشی هەڵبگرێتەوە و زانیارییەكان لە رێگای ئەپی تایبەت بەخۆیەوە بۆ شوێنی مەبەست بەڕێ بكات. ئەم كامێرایە لەگەڵ سپیكەری دیجیتالی گوگل و ئەلیكسا دەگونجێت و بەهۆی ئەوانە دەكرێ فەرمانی بەسەردا بكەی.