ئامێرێكی بچووك كە ئەركی كامێرایەكی 360 پلەیی ئەنجام دەدات و بە ناوی FITT360 ناسراوە، لە شێوە و ستایلدا وەك هێدستی بلوتوسی دەچێت، بە یەكەمین كامێرای ملپێچ دادەنرێت.
كامێراكە پێكهاتووە لە سێ كامێرای fullHD. ئەو سێ كامێرایە پێكەوە وێنەیەكی 360 پلەیی دروست دەكەن. بەكارهێنەر بە ئاسانی دەتوانێت بە داگرتنی دوگمەیەك، تۆماركردنی ڤیدیۆ بكات. بە ئاسانیش پەیوەندی نێوان كامێراكە و مۆبایل دادەمەزرێت و لەگەڵ تۆڕە كۆمەڵایەتییەكان پەیوەند دەدرێت.
كامێرای ناوبراو هەستەوەری دیاری كردنی شوێنی جوگرافیای هەیە و بەمجۆرە دەتوانی شوێنی گرتنی وێنەكە لەنەخشەدا ببینی. ئامێرەكە دژە شۆك و دژە گەرمییە و بە تەڕبوون تێكچناچێت.