كۆمپیوتەری هەمەكارە و هاوكارێكی باش
![كۆمپیوتەری هەمەكارە و هاوكارێكی باش](https://gulanmedia.com/public/old_images/topics/computer hamakaru hawre.jpg )
كۆمپانیای HP لەم ماوەیەدا چەندین ئامێری خۆی خستەڕوو، یەكێك لەوانە كۆمپیوتەری جۆری Curved AiO 34ە كە 27 ئینجە و چوارچێوەكەی لە دارێكی تایبەت دروست كراوە. كۆمپیوتەری ناوبراو یەكەی لێكدەرەوەی واتە پرۆسیسەرەكەی لە نەوەی هەشتەمەی ئەنتەلە. كارتی گرافیكەكەی لە ریزی باشترین كارتە گرافیكیەكاندایە و 4 گیگابایتە.
جیاوازی كۆمپیوتەرەكە لەگەڵ كۆمپیوتەرەكانی دیكە لەوە دایە كە یەك پارچەیە و سیستەمی ئەلكسای ئامازۆنی تێدایە. (سیستەمی ئەلكسای ئامازۆن لە راستیدا سپیكەرێكی هۆشمەندە كە هەر پرسیارێكی لێبكەی سێرچ دەكات لە ئینتەرنێت و وەڵامت دەداتەوە، یان داوای خوێندنەوەی هەواڵەكانی ئەمڕۆ، كەش و هەوا، زانیارییە گرنگەكان...) دەكرێت كۆمپیوتەرەكە وەك سپیكەرێكی هۆشمەندی هەمەكارە بەكار بێنی. پێدەچێت ئەم كۆمپیوتەرە سەرەتایەك بێت بۆ گۆڕانكاری داهاتووی كۆمپیوتەرەكان.