قەڵەم لەم سەردەمەدا هەر ئەوە نییە بۆ نووسین بگونجێت، پێنووس دەكرێت كاری نووسین بكات و لە پەنای ئەویشدا كامێرای هەبێت بۆ فیلم و وێنەگرتن، دەكرێت وەك سكاینەرێك دەقە نووسراوەكان سكان بكات، دەكرێت وەك ئەو پێنووسەی ئاماژەی پێدەكەین موبایل شەحن بكاتەوە.
قەڵەمی ChargeWrite قەڵەمێكی ئاسایی نییە، قەڵەمەكە جگە لەوەی كە هاردێكی پورتێبڵی 16 گیگابایتەییە و وەك پاوەر بانكێكیش سوودی لێوەردەگیردرێت، لەوەش گرنگتر ئەوەیە دەكرێت وەك پاككەرەوەی شاشە هۆشمەندەكان سوودی لێوەربگیردرێت. لایەنی گرنگی پێنووسەكە زیاتر پاوەربانكیەكەیەتی، چونكە هەمیشە لەگەڵتدایە و ئەگەر لەناكاو شەحنی موبایلەكەشت دابەزی ئەوە خەفەتی بۆ ناخۆی و بە پێنووسەكەت شەحنی دەكەیەوە. پاوەربانكەكە تەنیا تایبەت نییە بە مۆبایلی ئەندرۆید یان ئایفۆن بەڵكو بۆ هەموو موبایلێك دەگونجێت.