زانست مەودای خەیاڵ و راستی ناهێڵێ، رەنگە بۆ زۆر كەس جێگای بڕوا نەبێ كە بڵێین ئامێرێك بەرهەم هاتووە گوێ لە بیركردنەوەكانت، لەو رازە شاراوانەی لە زەینتدان رابگرێ.. ئامێرێك لە سەرووی خەیاڵ..
ئەم سیستەمە یان ئەو ئامێرە بە AlterEgo ناسراوە. وەك هیدفۆنێكی گوێگرتن دەچێت، هەستەوەرەكانی ئامێرەكە لە سەرەتادا شەپۆلە دەنگییەكان كە لە دەمارەكاندان و هێشتا نەبوونەتە وشە كۆدەكەنەوە. دواتر ئەو شەپۆلانە دەدرێن بە سیستەمێكی بیرهێنانەوە كە تایبەتە بەم شەپۆلانە و دواتر شیدەكرێنەوە و لێكدەدرێنەوە. گوایە كاركردی ئەو ئامێرە بۆ ئەو شتانە دەبێت وەك، كردنەوەی دەرگا، لێدانی كۆدی نهێنی، كردنەوەی پرۆگرامێك، نووسینی وشە گرنگەكان...تاد.
گرنگترین سوودەكانی ئامێرەكە ئەوەیە كە لەگەڵ كۆنترۆڵە هۆشمەندەكان دەگونجێت و دواتر تەنیا بەبیركردنەوە دەتوانی دەنگی تەلەڤزیۆ كەم كەیەوە، كەناڵ بگۆڕی و ئامێرەكانی دیكەی ماڵەوەش كۆنترۆڵ بكەی.