لەم سەردەمەدا كە باسی بەرهەمهێنانی كامێرای سەد میگاپیكسلی دەكرێت رەنگە ئەو گرنگیەی جارانی نەبێت و جێگای چاوەڕوانی بێت، بەڵام كامێرایەك بێت توانای وێنە گرتنی سەد میگاپیكسلی و تۆماركردنی ڤیدیۆ بە كوالیتی k4 بێت گرنگی هەیە..
كامێرای سەد میگاپیكسلی لە جۆری H6D-100C یەكێكە لە كامێرا سەركەوتووەكان تایبەت بە كامێراوانی پیشەییە. وێنەگرتن بەو كامێرایە زۆر سروشتیی دێتەبەرچاو. جگە لە وێنەی سەد میگاپیكسلی توانای تۆماركردنی ڤیدیۆی k4ی هەیە و بە فۆرماتی adobe cinema dng تۆماری دەكات بۆیە لە زۆربەی پرۆگرامەكانی تایبەت بە فیلم دەكرێتەوە. شاشەی كامێراكە لەمسییە و 3 ئینجە. چەندین جۆر كێبڵی بۆ پەیوەندی لەگەڵ ئامێرەكانی دیكە وەك تیڤی و كۆمپیوتەر و مۆبایل هەیە. تایبەتمەندییەكی دیكەی كامێراكە ئەوەیە بە پرۆگرامی phocus دەتوانی لە رێگای دوورەوە بە ماك یا ویندۆز كۆنتڕۆڵی بكەی.