پیشانگای ساڵانەی CES2018، پێشانگای رۆبۆتەكان بوو، رۆبۆت گەلێكی زۆر لەم پیشانگایەدا نیشان دران.. رۆبۆتی چاودێری nimbo یەكێك بوو لە رۆبۆتانە.. كە سەرەڕای چاودێری و پاسەوانی، ئیزنی بە بەكارهێنەرەكانیش دەدا سواریشی بن و بۆ مەودایەكی كەم بیانگوازێتەوە..
رۆبۆتە چاودێرییەكان زیاتر، ئامێرێكن كە لە شوێنی خۆیان ناجوڵێن و مەودایەك دەخەنە ژێر چاودێری خۆیان، بەڵام دوو كۆمپانیای (تورنینگ ڤیدیۆ و سێگ وای) پێكەوە رۆبۆتێكیان بەناوی نیمبۆ بەرهەم هێناوە كە سەرەڕای چاودێری دەكرێت وەك ئامێرێكی بچووكی سواربوونیش سوودی لێوەربگری..
رۆبۆتی نیمبۆ جۆرێك دروستكراوە كە لە شوێنێك بە شێوەیەكی ئۆتۆماتیكی پاسەوانی دەدات و راستەوخۆ ڤیدیۆیی شوێنەكە بۆ كەسانی بەرپرس دەنێرێ، هەركاتێكیش دیمەنێكی گوماناوی دیت دەستبەجێ بەرپرسەكەی ئاگادار دەكاتەوە و دەتوانێت بۆ ماوەیەكیش بەدوای شتە گوماناوییەكەدا رابكات.. رۆبۆتە پاسەوانەكە دەتوانێت بەسەر تاسە و لەمپەرەكانی رێگادا بازبدات و بەهۆی بچووكیەوە بە شوێنە تەنگەبەرەكانیشدا بڕوات.. كاتێك پێویستی بە شەحن بێت خۆی ئۆتۆماتیكی دەچێتە شوێنی شەحن ...