دانانی كامێرای شاراوە بەتایبەتی ئەگەر مەبەست كاری سیخوڕی بێت، دەبێ لەو ئامێرانەدا بشاردرێنەوە كە گومانی لێنەكرێت، هەر وەك ئەو كامێرا شاراوەیە كە لەو جێگە سویچەدا حەشاردراوە. كۆمپانیای Brando بەوپەڕی لێهاتووییەوە كامێرایەكی زۆر بچووكی لە جێگەی سویچدا حەشارداوە، بەجۆرێك كە بۆتە دوگمەیەك لەو جێگە سویچە و هیچ جیاوازی لەگەڵ دوگمەكانی دیكە نییە، كامێرا شاراوەكە 2 گیگابایت میمۆرییەكەیەتی و دەتوانێ بە خێرایی 29 فرێم لە چركەدا فیلم هەڵبگرێتەوە. جگە لە فیلم هەڵگرتنەوە دەتوانێت وێنەش بگرێت. باتری ئەو كامێرایە بەهۆی كێبڵی USBیەوە شەحن دەبێتەوە.