بەر لە داهێنانی كامێرای دیجیتال، كامێرای ئەنالۆگ واتە ئەوانەی فیلمیان دەچۆ سەر، هاتنە بازاڕ كە تەنیا یەكجار سوودیان لێوەردەگیرا، ڕەنگە چی وای پێنەچێت مۆبایلیش تەنیا یەكجار سوودی لێوەربگیرێت بكەوێتە بازاڕەوە.
دیزاینەرێكی چینی بەناوی Je sung park لەو بڕوایەدایە كە مرۆڤ پێویستی بە لاپتۆپی یەكجار بەكارهێنانیش دەبێت. هەربۆیە جۆرە لاپتۆپێكی بەرهەم هێناوە كە پێكهاتەكەی لە كاغەزە و ژینگە پارێزە، چونكە دوای تێكچوونی ئیدی شوێنەوارێكی لە پاش بەجێنامێنێ لە ژینگەدا و دەتوێتەوە. لە لاپتۆپەكەدا هەر شوێنێك كە خراپیش بێت بە ئاسانی چاك دەبێتەوە. چونكە بە كاغەز چاك دەكرێتەوە.