ئایفۆن ئەو مۆبایلەی كە گۆڕانكارییەكی زۆری لە جیهانی مۆبایلدا هێنا پێش و گشت ئامێرە بچووكە دیجیتاڵییەكانی لەخۆیدا كردنەوە، رۆژ بە رۆژ داهێنانی نوێی بۆ دروست دەكرێت. بەهۆی ئەوەی كە ئایفۆن تەنیا شاشەیەكی لەمسییە و چەند دوگمەیەكە، كیبۆردەكەی لەمسیە و شاشەكەیەتی. كیبۆردەكەی خۆی بۆ بەڕێكردنی كورتە پەیام باشە، بەڵام بۆ نووسینی دەقێكی زۆر هیچ گونجاو نییە. بۆیە كۆمپانیایەكی بەرهەمهێنی ئامێری دیجیتالی كیبۆردێكی بۆ ئایفۆن بەرهەمهێناوە كە دەكرێت دەقێكی زۆری پێ بنووسرێ.
عەدەسەی تایبەت بە ئایفۆن
ئەو وێنانەی كە بە كامێرای مۆبایل دەگیرێن، هەرچەندە لە بواری میگاپیكسلەوە لەسەرێ بن، هێشتا گرفتێكی سەرەكیان هەیە ئەویش نەبوونی لێنزێكی باش و گونجاوە، عەدەسەیەك كە بكرێت بەهۆیەوە كوالیتی وێنەكان باشتر بكرێت. كۆمپانیایەك بۆ مۆبایلی جۆری ئایفۆن عەدەسەی DSLRی بەرهەم هێناوە كە دەكرێ بەهۆیەوە باشترین وێنە بگیرێت. لێنزەكە زۆر بە ئاسانی لە مۆبایلەكە جیا دەبێتەوە. تەنانەت لەكاتی وێنەگرتنیشدا دەكرێت بە مۆبایلەوەكەوە پێوەند نەدرێت. بگرە سەربەخۆ ئەركەكەی جێبەجێ دەكات.