سیستەمێكی كاراو باش ئەو سیستەمەیە كە گشت پارچەكانی بەباشی كاربكەن و پرۆگرامەكان هیچ گرفتێكیان نەبێ. بۆ ناسینی پارچەكانی كۆمپیوتەر و دەستنیشانكردنی كەموكوڕییەكانی پێویستی بە پرۆگرامێكی تایبەتە تا گشت هەڵە و كەموكوڕییەكانی سیستەمەكە دەست نیشان بكات.
پرۆگرامی SiSoftware Sandra پرۆگرامێكە بۆ ناسینی كەموكورتی پارچەكانی كۆمپیوتەر. پرۆگرامەكە بەردەوام لە سیستەمەكەدا دەگەڕێ گەر كەموكوڕی لە هەر شوێنێك هەبێ دەستنیشانی دەكات، چونكە زۆرجاران كۆمپیوتەرەكەت تێكچووە بەڵام نازانی هەڵە و كەموكوڕییەكە لە چ بەشێكی كۆمپیوتەردایە. بەتایبەتی ئەو پرۆگرامە بۆ ئەوانە بە سوودە كە تازە كۆمپیوتەریان كڕیوە و شارەزاییان لە پارچەكانی كۆمپیوتەردا نییە، بەهۆی ئەو پرۆگرامەوە دەزانن كەموكوڕی لە چ پارچەیەك داهەیە.