مۆبایلی 14 میگاپیكسلیش هاتە بەرهەم
هەروەك زۆر جاران لە فایلی ITدا ئاماژەمان بەوەداوە، كە مۆبایل ئیدی هەر لە بازنەی ئامێرێكی پێوەندی گرتن دا بەرتەسك نەماوەتەوە، بگرە وەك كامێرا و ریكۆردەر و كۆمپیوتەر...تاد سوودی لێوەردەگیرێ. هیچ جێگەی گومانیش نییە رۆژ بە رۆژ توانا و خزمەتگوزارییەكانی ئەو ئامێرە زیاتر دەبن.
لەم رۆژانەدا كۆمپانیای Altek كە كۆمپانیایەكی بەرهەمهێنی كامێرای دیجیتالییە، مۆبایلێكی هێنایە بەرهەم كە توانای وێنەگرتنی 14 میگاپیكسلە، هەرچەندە باشترین كۆمپانیاكانی بەرهەمهێنی مۆبایل، وەك نۆكیا و سامسۆنگ مۆبایلەكەیان لە 12 میگاپیكسل تێنەپەڕیوە. ئەو كامێرا مۆبایلە كوالیتی فیلم گرتنی HDیە و خاوەنی زوومی ئۆپتیكالە. جگە لەتوانای كامێراكەی، مۆبایلەكەش سیستەمی Wifiی لەسەرە.