پیسبوونی هەوا Air Pollution ئەگەری تووشبوون بە چەندین نەخۆشی زیاد دەكات، ئەو هۆكارانەی كە هەوا پیس دەكەن جگە لە میكۆب و بكوژەكانی مێروو و گەردی كانزایی و ماددە تیشكدارەكان، بریتین لە ماددە كیمیاییەكان بە هەرسێ دۆخی گازی و شلی و ڕەقییەوە، بۆنموونە دووەم ئۆكسیدی كاربۆن كە گازێكی قورسە زیان بە ژینگە و تەندروستی مرۆڤ دەگەینێ، چونكە لەگەڵ هیمۆگڵۆبینی خوێندا یەكدەگرێ و لەوانەیە ببێتە ئەگەری خنكان. هەروەها دووەم ئۆكسیدی گۆگرد یان سەلفەر كە لە هەوای نزیك كارگە پیشەسازیەكاندا بەشێوەی دوكەڵ هەیە، گازێكی ژەهراوییە بۆ رووەك، بۆیەكە ڕووەك بەدەگمەن لە نزیك كارگە پیشەسازیەكاندا دەڕوێ، گازی دووەم ئۆكسیدی سەلفەر لە كەشە شێدارەكان و لەكاتی باران باریندا دەگۆڕێ بۆ ترشی سەلفۆریك و بەشێوەی ترشەلۆكە باران Acid Rain زیان بە رووی باڵەخانەكان دەگەیەنێ. هەروەها ئەم گازە دەبێتە هۆی هەوكردنی كۆئەندامی هەناسە و هەناسەڕاوكێ. ئۆكسیدەكانی ئازۆت یان نایترۆجین وەكو یەكەم ئۆكسیدی نایترۆجین NO و دووەم ئوكسیدی نایترۆجین NO2 كە لە كارگەی پەینی نایترۆجینییەوە پەیدا دەبن، كاریگەری دەكەنە سەر كۆئەندامی هەناسەی مرۆڤ بە شێوەی هەناسەتەنگی و هەوكردن. هەروەها گازی نایترۆجینی گۆگرد H2S و گازی فلۆر و گەردیلە رەقەكانی وەكو گەردی چیمەنتۆ، زیخ، گەچ، گەردی تەختە، میكرۆب، ماددەی بكوژی مێروو و خوێیە كانزاییەكان تا ڕاددەیەكی زۆر زیان بە ژینگە و تەندروستی دەگەیەنن سەرەڕای ڕەژووی هایدڕۆجینی و ماددە تیشكدارەكان كە لە هەوادان.