فیستیڤاڵی هەورامان.. لێوان لێوە لەفۆلكلۆر و سیمای كوردان
May 21, 2012
رەنگا و ڕەنگ
فیستیڤاڵی هەورامان لەساڵی 2008ەوە ئەنجام دەدرێت، یەكەم فیستیڤاڵ لە(ئەحمەد ئاوا) بەڕێوەچوو، پاشانیش ساڵانی دواتر لە(زەردە) كە ناوچەیەكی هەورامانە ئەنجامدراو ئەمساڵیش لەناوچەی (بیارە)، فیستیڤاڵی ئەمجارەی هەورامان بەوپەڕی وێنای كوردەواری و فۆلكلۆریەوە بەڕێوەچوو كە چەندین بابەتی هونەری و فۆلكلۆری لەخۆ گرتبوو كە هەموو ماناكی كۆن و كوردەواریان لێدەچۆڕاوە، فیستیڤاڵی هەورامان لەچەندین بەشی جیا پێك هاتبوو وەك: دروست كردنی كڵاش بەرووبومی خۆماڵی و كتێبخانەی كوردی و چەندین بەش و یاری فۆلكۆری و كلتوری كە مۆركی ڕەسەنایەتی ئەو ناوچەیان پێوە دیار بوو، هەر ناوچەیەك بەجیا بەرهەم و چالاكیەكانی خۆی نیشان دەدا، لەگەڵ ئەنجامدانی چەندین نمایشی كوردەواری وەك: شایی كوردی، جلوبەرگی كوردی بەچەندین جۆر و شێواز پۆشرابوو، سەرتاپای كەرەستە و كەلوپەلەكان سەرچاوەكەی كوردی بوو، كاتێك ئامادەی ئەو فیستیڤاڵە بوایە هەستت بەكوردایەتیەكی گەورە دەكرد و بەلاتەوە ئەو فیستیڤاڵە بەردەوام بوایە بەبێ وەستان.
رەوەند بەختیار