زێدان به پێكهاته‌یه‌كی جیاواز سه‌ركه‌وتنێكی به نرخی به‌ده‌ستهێنا
ئێواره‌ی ئه‌مرۆ یه‌كشه‌ممه، ریال مه‌درید له نێو یاریگه‌ی سانتیاگۆ بێرنابیۆ میوانداریی ڤیاریالی كرد.
له خوله‌كی 2ـی ده‌ستپێكی یارییه‌كه ماریانۆ دیاز شریتی گۆڵه‌كانی ریال مه‌دریدی بڕی، دواتر له خوله‌كی 11 جیرارد مۆرینۆ ئه‌نجامه‌كه‌ی بۆ ڤیاریال یه‌كسان كرده‌وه.
پاشان له خوله‌كی 40 خیسۆس ڤایخۆی به‌رگریكاری ریال مه‌درید یه‌كه‌مین گۆڵی به درێسی یانه‌ی شایانه كرد و یانه‌كه‌ی پێشخسته‌وه.
له‌گه‌ڵ ده‌ستپێكی گێمی دووه‌م، ماریانۆ دیاز گه‌ڕایه‌وه و گۆڵی دووه‌می خۆی و سێیه‌می ریال مه‌دریدی كرد.
پێش ئه‌وه‌ی ناوبژیوان فیكه‌ی كۆتایی یارییه‌كه لێ بدات، خاومی كۆستا جیاوازییه‌كه‌ی بۆ ڤیاریال كه‌م كرده‌وه و گۆڵی دووه‌م زه‌ردپۆشه‌كانی تۆمار كرد، به‌ڵام نه‌یانتوانی له شكست رزگاریان بێت.
ریال مه‌درید به كۆكردنه‌وه‌ی 68 خاڵ له پله‌ی سێیه‌م دێت، له به‌رامبه‌ردا ڤیاریال به 40 خاڵ له پله‌ی چوارده‌یه‌مینی لالیگا دێت
k24 -
