بە گوتەی بەرپرسانی ئەنقەرە، بەرەبەیانی ئەمڕۆ چوارشەممە 2018.12.13 لادانی شەمەندەفەرێک لە ڕێڕەوی خۆی و پێدادانیان لەگەڵ شەمەندەفەری چاودێر لەو شارە بووەتە هۆی گیان لەدەستدانی چوار کەس و هاوکات 43 کەسی دیەکش بریندار بوون.



لەمبارەوە واسیپ شاهین، پارێزگاری ئەنقەرە بۆ لە لێدوان بۆ میدیاکان ڕای گەیاندووە: "ئەو ڕووداوە لە کاتێکدا ڕووی داوە کە شەمەندەفەری چاودێر و کۆنترۆڵی ڕێگاکان لەگەڵ شەمەندەفەرێکی دیکە لێکیان داوە و سەرەنجام چوار کەس کوژراون و 43 کەسی دیکە بریندار بوون."



بە گوتەی بەرپرسانی ئەنقەرە ئەو ڕووداوە کاتژمێر 6:30 خولکەی بەرەبەیانی ئەمڕۆ چوارشەممە لە ئەقەرە ڕووی داوە و ئەو شەمەندەفەرە خێرایە، موسافیری پارێزگای قوونیەی پێ بووە.



هەتا ئێستا وردەکاریی زیاتر لەبارەی ئەو ڕووداوە بڵاو نەکراوەتەوە.






باسنيوز