شەوی ڕابردوو لە شاری "ستراسبۆرگ"ی فەرەنسا هێرش کرایە سەر بازارێکی کەلوپەلی کریسمەس و سێ کەس کوژران و 13 کەسی دیکەش بریندار بوون.



ئاژانسی هەواڵی (فرانس‌پرێس) بڵاوی کردووەتەوە شەوی ڕابردوو 2018.12.11 لە شاری (ستراسبۆرگ)ی فەرەنسا لەناو بازاڕێکدا تەقە لە خەڵک کراوە و بەو هۆیەوە سێ کەس کوژراون و 13 کەسی دیکەش بریندار بوون و پۆلیسی فەرەنساش بەمەبەستی پاراستنی هاووڵاتییان، شەقامە سەرەکییەکانی ناوچەکەی داخستووە و دەزگا ئەمنییەکانی ئەو شارە دەستیان بە لێکۆڵینەوە کردووە.



دەزگا ئەمنییەکان ئەو هێرشەیان بە تیرۆریستی ناو بردووە، ماوەی زیاتر لە دە ڕۆژە بەهۆی ڕەخنەی خەڵک لە زیادکردنی باج و خەراج و سیاسەتەکانی حکوومەتی فەرەنسا، لە پاریس و چەند شارێکی دیکەی ئەو وڵاتە خۆپیشاندان و ناڕەزاییەکی زۆری دەستی پێکردووە.




باسنيوز