سوپای سووریا رێگه‌ی سه‌ره‌كی لۆجیستی داعش دەگرێت
ماڵپەڕی (سپۆتنیك)ی رووسی بڵاوی كرده‌وه، كه سوپای سووریا به هاوكاری فڕۆكه جه‌نگییه‌كانی رووسیا، رێگه‌ی سه‌ره‌كی لۆجیستی داعشی ئازاد كرده‌وه و داعشیش ده‌یانه‌وێت دێره‌زوور به بێ شه‌ڕ چۆڵ بكه‌ن و بكشێنه‌وه.
هه‌روه‌ها ئه‌و سوپایه توانیویه‌تی گه‌ڕه‌كی جه‌فره له دێره‌زوور ئازاد بكات و له ده‌ستی داعشی ده‌ربهێنێ، چه‌كدارانی داعشیش له‌ناو سه‌نته‌ری دێره‌زوور راده‌كه‌ن.
له لایه‌كی دیكەوە سوپای سووریا توانیویه‌تی بگاته سه‌ر رووباری فورات و ئه‌و رێگه‌یه‌ی به ته‌واوی له داعش پاك كردووه‌ته‌وه.
ئەوەشی بڵاوكردووه‌ته‌وه كه هێزه‌كانی سووریای دیموكرات هاوكاری سوپای سووریا ده‌كه‌ن بۆ رزگاركردنی دێره‌زوور.
باسنيوز
