ئیسرائیل گەورەترین مانۆڕی سەربازی ئەنجام دەدات
مانۆڕەکە رۆژی سێشەممە 5/9/2017 دەستی پێ کردووە و و سەرچاوەیەکیش لە وەزارەتی بەرگریی ئیسرائیل بە ئاژانسی (فرانس پرێس)ی راگەیاندووە، ”دەیان هەزار سەرباز“ی ئەو وڵاتە ، فڕۆکە جەنگییەکان، کەشتی و ژێردەریاییە جەنگییەکان بەشداریی تێدا دەکەن.
ئامانجی ئۆپەراسیۆنەکە راهێنانەوەی سەربازەکانە لەسەر شەڕی دژی حزبوڵڵای لوبنانی و چۆنێتیی رزگارکردنی سەربازە ئیسرائیلییە بریندارەکانە لە مەیدانەکانی شەڕدا، بە بەکارهێنانی ئۆتۆمبێلی بێ شۆفێر و فڕۆکەی بێفڕۆکەوان.
وەزارەتی بەرگریی ئیسرائیل ماوەی یەک ساڵ و نیوە ئامادەکاریی بۆ ئەو مانۆڕە کردووە و بەپێی زانیارییەکانیش، گەورەترین مانۆڕی سەربازیی ئەو وڵاتەیە لە ماوەی 20 ساڵی رابردوودا.
باسنیوز
