ئەنجوومەنی یاسادانەری كۆبانێ بڕیاری لێبوردنی تۆمەتبارانی دەركرد
ئەنجوومەنی یاسادانەری كانتۆنی كۆبانێ رایگەیاند، بەپێی پەیماننامەی كۆمەڵایەتی، بڕیاری لێبوردنیان بۆ ئەو تۆمەتبارانە دەركرد، كە پێش رۆژی 17-9-2016 دەستگیركراون، بڕیارەكەش تەنیا تۆمەتبارانی "تیرۆر و سەربازی" ناگرێتەوە.
دەقی بڕیارەكەی ئەنجوومەنی یاسادانەر لە بەڕێوبەرایەتی خۆسەری دیموكراتی كانتۆنی كۆبانێ- سووریا:
بڕیارەی ژمارە 3
هاوسەرۆكایەتی ئەنجوومەنی یاسادانەری كانتۆنی كۆبانێ بەپێی هاوپەیمانی كۆمەڵایەتی ئەم بڕیارەی دا، دەربارەی ئەو تۆمەتبارانەی بەر لە 17-9-2016 دەستگیركراون یان دەستبەسەركراون:
ماددەی 1:
تەواوی زیندانییەكان بەر لێبوردنی گشتی دەكەون، گیراوانی فرەژنی، كاتی زیندانییەكانیان لە ساڵێك بۆ دەكرێتە 6 مانگ.
ماددەی 2:
تاوانەكانی دراوەتە پاڵی ئەگەر یەكێكیان كوشتنی بە ئەنقەست نەبێت، بەر لێبوردن دەكەوێت، بەڵام كوشتنی بە ئەنقەست لێبوردن نایگرێتەوە.
ماددەی 3:
هەموو تۆمەتبارێك، كە تەمەنیا لە سەرووی 70 ساڵانەوە بێت، بەر لێبوردن دەكەون.
ماددەی 4:
ئەوكەسانەی بەر لێبوردن دەكەون، ئەوشتەی داوای لێدەكرێت دەبێت جێبەجێی بكات.
ماددەی 5:
ئەو بڕیارە كاریگەری لەسەر داوای مافی كەسێتی نەبێت.
ماددەی 6:
تۆمەتبار ئەو بڕە پارەیەی كە لەسەری فەرز كراوە، پێویستە بۆ بەرژەوەندی خاوەن كێشەكە بیدات.
ماددەی 7:
بەپێی ماددەی 1، تۆمەتبار لە هەموو تۆمەتە یاساییەكانی دەبەخشرێت.
ماددەی 8:
ئەو كەسانەی لەدەست یاسا رایانكردووە، لێبوردن نایانگرێتەوە.
ماددەی 9:
تاوانبار دوای ساڵێك لە ئازادكردنی بە لێبوردن، ئەگەر هەمان تاوانی ئەنجامدایەوە ئەوا تووندترین سزا دەدرێت.
ماددەی 10:
پێویستە بە بڕیاری ئەنجوومەنی دادی كۆمەڵایەتی كۆمیتەیەك لە ئەندامانی دادگای گەل پێكبهێنرێت، بۆ ئەوەی بڕیارەكان جێبەجێ بكات.
ماددەی 11:
ئەوكەسانەی بەپێی ئەم بڕیارە لێبوردن دەیانگرێتەوە، دەكرێت خۆی یان ئەندامانی خێزانەكەیان دربارەی دۆزی گیراوەكەیاندا بەڵگەنامەیەك پێشكەش بەو كۆمیتەیە بكەن، كە كاروبارەكانی لێبوردنی تاوانباران و تۆمەتبارەكان ئەنجامدەدات.
ماددەی 12:
كۆمیتەكە لەماوەی 5 رۆژدا بڕیاری خۆی لەبارەی ئەو بەڵگەیە دەدات كە بۆ ئازادكردنی گیراوەكە پێشكەشكراوە، بڕیارەكەش لەلایەن ئەنجوومەنی دادی كۆمەڵایەتی گوێی لێدەگیرێت.
ماددەی 13:
تۆمەتبارانی تیرۆر و تاوانی سەربازی لێبوردن نایانگرێتەوە.
ماددەی 14:
ئەم بڕیارە لە رۆژنامەی فەرمیدا بڵاودەكرێتەوە.
RUDAW -
