فڕۆکە جەنگییەکانی ئەمریکا بنکەیەکی سەربازیی سوپای رژێمی سووریا بۆردومان دەکەن، کە بووەتە هۆی کوژرانی دەیان سەربازی رژێم.



میدیا سووریەکان بڵاویان کردووەتەوە، بۆردومانەکە رۆژی شەممە 17ـی ئەیلوولی 2016 لەلایەن چوار فڕۆکەی F16 دوو فڕۆکەی A-10ـی ئەمریکاوە کراوەتە سەر سەربازگەیەکی رژێمی سووریا لە شاری دێرەزوور.



ئاژانسی (سانا)ی حکوومیی سووریا بڵاوی کردووەتەوە، فڕۆکە جەنگییە ئەمریکییەکان لە عێراقەوە سنووری سووریایان بەزاندووە و سەربازگە سوورییەکەیان بۆردومان کردووە، کە بووەتە هۆی کوژرانی 62 سەرباز و برینداربوونی زیاتر لە 100 سەربازی دیکە.



هاوپەیمانیی نێودەوڵەتی دژی رێکخراوی توندڕەوی داعش رایگەیاندووە، کە بارەگاکانی داعشیان لە نزیک دێرەزوور بۆدومان کردووە و لەبارەی بۆردومان کردنی سەربازە سوورییەکانیش رایگەیاندووە، کە ”رەنگە بۆردومانەکە بە هەڵە ئەنجام درابێت“.



فڕۆکە جەنگییەکانی ئەمریکا لە چوارچێوەی هاوپەیمانیی نێودەوڵەتی بنکە و بارەگاکانی داعش لە کوردستانی باشوور و رۆژئاوا و عێراق و سووریا بۆردومان دەکەن.









باسنیوز