نەتەوە یەکگرتووەکان رایگەیاند کە ئەوان نیگەرانن لە ئەگەری خنکانی 500 پەنابەر لە دەریای سپی لە ھەفتەی رابردوودا.

کۆمیساری باڵای نەتەوە یەکگرتووەکان، بە نووسراوێک رایگەیاند کە بەھۆی نقومبوونی کەشتییەکی گەورە لە نێوان ئیتاڵیا و لیبیا لە دەریای سپی 41 کەس رزگار کراون و بەپێی زانیاری رزگارکراوەکانیش لەوانەیە 500 کەس خنکابن.

راشگەیەندرا کە "نەتەوە یەکگرتووەکان نیگەرانە بەرامبەر خنکانی 500 پەناخواز لە دەریای سپی و ھاوکات ئەمەش بە گەورەترین تراژیدیا لە 12 مانگی رابردوو دادەنرێت".

ئەوانەشی کە رزگارکراون، 23 ھاووڵاتی سۆماڵی، 11 ھاووڵاتی ئەسیوبی، شەش ھاووڵاتی میسری و یەک ھاووڵاتی سوودانی تێدایە.

رزگارکراوان ئەوەشیان راگەیاندووە کە ھەفتەی رابردوو بە کەشتییەک کە درێژییەکەی 30 مەتر بووە لە توبروکی لیبیا بەڕێکەوتوون.