باراک ئۆباما، سەرکۆماری ئەمەریکا، بۆ دیدارێکی دوو رۆژە بەرەو سعوودیە بەڕێکەوت.



ئاژانسە جیهانییەکان بڵاویان کردەوە، باراک ئۆباما سەکۆماری ئەمەریکا بەرەو سعوودیە بەڕێکەوت و بڕیارە ئەمڕۆ چوارشەممە و پێنجشەممە 20 و 21ی ئاوریل لەگەڵ مەلەک سولەیمان، پاشای سعوودیە و بەرپرسانی باڵای ئەو وڵاتە کۆ ببێتەوە.



بڕیارە سبەی پێنجشەممەش لەگەڵ رێبەران و نوێنەرانی وڵاتانی ئەندامی ئەنجومەنی هاوکاریی کەنداو دیدار و چاوپێکەوتن پێک بێنێ.



لەم سەردانە ئەشتۆن کارتەر، وەزیری بەرگریی ئەمەریکا هاوڕێیەتی باراک ئۆباما دەکات.



بڕیارە لەم سەدانەدا ئەشتۆن کارتەر لەگەڵ هاوتا سعوودییەکانی خۆی لەبارەی پرسی سەربازی ناوچە کۆ ببێتەوە و هەوڵەکانی بۆ پێشگیری لە "دەستێوەردانەکانی ئێران لە ناوچە" دەخاتەگەڕ.



ئەمەریکا و سعوودیە دوو هاوپەیمانی دێرینن و لە ماوەی حەفتا ساڵی رابردوودا پەیوەندییەکی پتەو و چڕیان پێکەوە هەبووە و لەبارەی پرسی و چارەنووسی سووریا و بەرەنگاربوونەوەی ئێران و هەندێ پرسی رۆژهەڵاتی ناوەڕاست هاودەنگ و هاوپەیمانن.







باسنیوز