هەڵوێستی ئەمریکا لەبارەی لەسێدارەدانەکانی سعودیە
لە بەیاننامەیەکدا، کە وێنەیەکی گەیشتووەتە باسنیوز، جۆن کێربی، گوتەبێژی وەزارەتی دەرەوەی ئەمریکا رایگەیاندووە، کە چەند جارێک سعودییەکانیان لە مەترسییەکانی لەسێدارەدان و سیستەمی دادگاییکردنەکان ئاگادارکردووەتەوە.
وەزارەتی دەرەوەی ئەمریکا جەخت لەوەدەکاتەوە، کە داواکانیان لە حکوومەتی سعودیە دووبارە دەکەنەوە بە رێزگرتن لە مافەکانی مرۆڤ و گرەنتیکردنی دادگاییکردنی روون و ئاشکرای تۆمەتباران.
بەپێی بەیاننامەکە، ئەمریکا هەروەها داوا لە سعودیە دەکات رێگا بە نیشاندانی ناڕەزایەتییەکان بەشێوەیەکی ئاشتییانە بدات و بەرپرسانی ئەو وڵاتە دڵەڕاوکێ و مەترسییەکانی ئاژاوەی تایفی لەبەرچاو بگرن.
جۆن کێربی ئاماژەی بەوەشکردووە، کە وڵاتەکەی بە نیگەرانییەوە لە لەسێدارەدانی شێخ نەمر دەڕوانێت و پێیوایە دووبەەکییەکانی ناوچەکە زیاتر دەکات.
رۆژی شەممە 2ـی کانوونی دووەمی 2016، دەسەڵاتدارانی سعودیە لەسێدارەدانی 47 کەسیان بە تۆمەتی ئەنجامدانی کاری تیرۆریستی و هاندانی راگەیاند، کە لەنێویاندا شێخ نەمر باقی نەمر، گەورە سەرکردەی شیعەکانی سعودیەی تێدابوو.
باسنیوز