به‌ پێى ئاژانسى هه‌واڵى ئینته‌رفه‌كسى روسیا؛ دیمیترى راگوزین جێگرى سه‌رۆك وه‌زیرانى ئه‌و وڵاته‌ رایگه‌یاندوه‌؛ كه‌ ئه‌گه‌ر ئێران له‌ سكاڵاى خۆى له‌ دادگاى نێوده‌وڵه‌تى پاشگه‌ز ببێته‌وه‌ سه‌باره‌ت به‌ ره‌وانه‌ نه‌كردنى مووشه‌كى به‌رگرى پێشكه‌وتووى ئێس سێه‌د بۆ ئێران له‌ لایه‌ن روسیاوه‌؛ به‌م زووانه‌ ئه‌و مووشه‌كه‌ ره‌وانه‌ى وڵاته‌كه‌یان ده‌كرێت و ئێران و روسیاش هه‌ردوولا به‌ باشى ده‌زانن كه‌ جێبه‌جێكردنى ئه‌و رێككه‌وتننامه‌یه‌ به‌ بێ پاشگه‌زبوونه‌وه‌ى سكاڵاى ئێران جێبه‌جێ ناكرێت.

شایه‌نى باسه‌ له‌ ساڵى دووهه‌زارو حه‌وت رێككه‌وتننامه‌یه‌ك له‌ نێوان ئێران و روسیا واژۆ كرا كه‌ به‌ پێى ئه‌و رێككه‌وتننامه‌یه‌ بڕیار بوو روسیا به‌ گوژمه‌ى هه‌شتسه‌د ملیۆن دۆلار مووشه‌كى به‌رگرى پێشكه‌وتووى ئێس سێسه‌د به‌ ئێران بفرۆشێت؛ به‌ڵام دوابه‌دواى سه‌پاندنى سزاكان به‌سه‌ر ئێراندا ؛ مۆسكۆ جێبه‌جێ كردنى ئه‌و رێككه‌وتننامه‌یه‌ى راگرت و ئێرانیش نیگه‌رانى خۆى ده‌ربرٍِى.