میشێل ساپین وه‌زیری دارایی فه‌ره‌نسا ڕایگه‌یاند، بۆ ساڵی داهاتوو 600 ملیۆن یۆرۆ بۆ به‌ره‌نگاربوونه‌وه‌ی تیرۆ و ڕێكاره‌ ئه‌منیه‌كانی وه‌ك ئاسایشی ناوخۆ و پۆلیس و كه‌رتی دادوه‌ری ته‌رخان ده‌كه‌ن، وه‌زیری دارایی فه‌ره‌نسا ئه‌وه‌شی ڕاگه‌یاند، به‌رزبوونه‌وه‌ی خه‌رجییه‌ ئه‌منیه‌كانی وڵاته‌كه‌ی، وه‌ڵامدانه‌وه‌ی هه‌ڕه‌شه‌ تیرۆریستیه‌كانه‌ ‌و نابێته‌ ئاسته‌نگی جێبه‌جێكردنی ئامانجه‌كانی بودجه‌ كه‌ له‌نێوان فه‌ڕه‌نسا و یه‌كێتی ئه‌وروپا تاوتوێكراون.

جێگه‌ی باسه‌ له‌ سێزده‌ی ئه‌م مانگه‌ ڕێكخراوی تیرۆریستی داعش له‌ڕێگه‌ی هه‌شت كه‌سه‌وه‌ هێرشێكی خۆكوژی له‌نێو جه‌رگه‌ی پاریسی پایته‌ختی فه‌ره‌نسا ئه‌نجامدا و بووه‌ هۆی گیانله‌ده‌ستدانی 130 كه‌س. دوای ساڵی 2009 فه‌ره‌نسا سنووری یه‌كێتی ئه‌وروپای بۆ دیاریكردنی ئاستی كورتهێنانی تێپه‌ڕاندووه‌، له‌و ماوه‌یه‌دا سێجار هه‌لی كۆنترۆڵكردنی كورتهێنانی بودجه‌ی بۆ دیاریكراوه‌، بۆ ئه‌وه‌ی هاوسه‌نگ بێت له‌گه‌ڵ بنه‌ماكانی یه‌كێتی ئه‌وروپا و ناوچه‌ی یۆرۆ.