دێڤید كامیرۆن سه‌رۆك وه‌زیرانی بریتانیا له‌ وته‌یه‌كدا له‌به‌رده‌م په‌رله‌مانی ئه‌و وڵاته‌دا رایگه‌یاند كه‌ رێكخراوى تیرۆریستی داعش هه‌ڕه‌شه‌یه‌كی راسته‌وخۆ بۆ سه‌ر وڵاته‌كه‌ى پێكدێنێت. كامیرۆن روونیشی كرده‌وه‌ كه‌ له‌گه‌ڵ هاوپه‌یمانه‌كانیاندا كار بۆ به‌رنگاربوونه‌وه‌ى داعش ده‌كه‌ن.

هاوكات داواى له‌ وڵاته‌كان كرد رۆڵێكی گه‌وره‌تر له‌ به‌ره‌نگاربوونه‌وه‌ى تیرۆریزمدا ببینن، سووربوونی وڵاته‌كه‌یشی له‌ به‌رنگاربوونه‌وه‌ى تیرۆرزم دووپات كرده‌وه‌و گوتى هه‌ندێك له‌ گرووپه‌ تیرۆریستییه‌كان هێشته‌ به‌نیازن هێرش بكه‌نه‌ سه‌ر فڕۆكه‌ مه‌ده‌نییه‌كان. ئاماژه‌ى به‌وه‌یش كرد كه‌ بڕێكی زۆرتر پاره‌ بۆ سه‌لامه‌تی فڕۆكه‌وانی مه‌ده‌نى ته‌رخان ده‌كه‌ن، گوتیشی پێویسته‌ وڵاتانی هاوپه‌یمانان كاری زۆرتر له‌ پێناوی ئاسایشی ئه‌وروپادا بكه‌ن.