ئەمڕۆ سێشەممە 24ی تشرینی دووەم سوپای ئاسمانی تورکیا فڕۆکەیەکی سوخۆ 24ی رووسی خستەخوارەوە، مۆسکۆش رەتیدەکاتەوە فڕۆکەکە لە سنووری ئاسمانی تورکیا بووبێت.

وەزارەتی بەرگریی رووسیا رایگەیاند، كە فڕۆکەیەکی جۆری سوخۆی24 یان خراوەتە خوارەوە و راشیگەیاند، لەوانەیە فڕۆکەکە لە زەوەیەوە مووشەکی ئاراستەکرابێت.

وەزارەتی بەرگریی رووسیا هەروەها جەختیكردەوە كە " فڕۆکەکە بەهیچ شێوەیەک سنووری ئاسمانی تورکیای نەبڕیوە و، فڕۆکەوانەکانیش بە پەڕەشووت خۆیان رزگراكردووە".

ئەمە لەکاتێکدایە بەرپرسێکی باڵای سوپای ئاسمانی تورکیا رایگەیاند : "هێزی ئاسمانی تورکیا پێش ئەوەی فڕۆکەکە بخاتە خوارەوە، ئاگاداری کردووەتەوە کە سنووری ئاسمانیی تورکیای بەزاندووە".








رووداو