به‌ پێى سه‌رچاوه‌كانى هه‌واڵ له‌ توركیا شه‌وی رابردوو ئه‌مه‌ریكا و توركیا ئۆپه‌راسیۆنێكی هاوبه‌شیان له‌ دژی داعش له‌ سوریا ئه‌نجام داوه‌بۆ پاڵپشتی له‌ كه‌تیبه‌یه‌كی توركمانی كه‌ شه‌ش فڕۆكه‌ی ئێف شازده‌ی توركی و ئێف پازده‌ى ئه‌مریكی به‌شدار بوون.

به‌ پێى سه‌رچاوه‌كان پشتیوانیی توركیا بۆ كه‌تیبه‌ی سوڵتان موراد بووه‌ و توانیویه‌تی چه‌ند گوندێك له‌ داعش له‌ باكوری حه‌له‌ب كۆنترۆڵ بكات كه‌ به‌ پێى زانیارییه‌كانیش حه‌فتا تیرۆریستى داعشیش كوژراون.

هه‌ر به‌ پێى سه‌رچاوه‌كان، ئه‌م ئۆپه‌راسیۆنه‌ هاوبه‌شه‌ی توركیا و ئه‌مریكا به‌ یه‌كه‌م هه‌نگاوى رێككه‌وتنی نێوانیان داده‌نرێ بۆ پاراستنی سنووره‌كانی توركیا و سووریا.