جاستن ترۆدۆ سه‌رۆك وه‌زیرانى كه‌نه‌دا به‌ باراك ئۆباما سه‌رۆكى ئه‌مه‌ریكاى راگه‌یاند كه‌ پابه‌نده‌ به‌ به‌ڵێنه‌كه‌ى خۆى سه‌باره‌ت به‌ كشاندنه‌وه‌ى فڕٍۆكه‌ جه‌نگییه‌كانى كه‌نه‌دا كه‌ به‌شدارى له‌ هێرشى ئاسمانى دژى تیرۆریستانى داعش ده‌كه‌ن .

ترۆدۆ له‌ میانى دیدارێكى له‌ په‌راوێزى لوتكه‌ى هاریكایى ئاسیا و زه‌ریاى هێمن ناسراو به‌ ( ئاپێك ) له‌ مانێلاى پایته‌ختى فلیپین ئه‌و به‌ڵێنه‌ى خۆى بۆ ئۆباما دووپات كرده‌وه‌ كه‌ له‌ كاتى بانگه‌شه‌ى هه‌ڵبژاردنى ئه‌م دواییه‌ى وڵاته‌كه‌ى به‌ گه‌لى كه‌نه‌داى دابوو .

هاوكات سه‌رۆك وه‌زیرانى كه‌نه‌دا پابه‌ندى وڵاته‌كه‌ى به‌رامبه‌ر به‌ هه‌ڵمه‌تى ئه‌مه‌ریكا و هاوپه‌یمانان له‌ دژى رێكخراوى تیرۆریستى داعش دووپات كرده‌وه‌ .