هه‌وڵه‌كان بۆ گه‌یشتن به رێككه‌وتنى ئه‌تۆمی له‌نێوان ئێران و (5+1) چڕتر ده‌كرێته‌وه
له‌مباره‌یه‌وه گه‌وره دیبلۆماتكارێكى رۆژئاوایى ئاشكرایكرد، وتوێژه‌كان له كۆتایى نزیك ده‌بێته‌وه و هیچ پلانێكیش بۆ به‌رده‌وامیدان به وتوێژه‌كان له ئارادا نییه. دیبلۆماتكاره‌كه دووپاتى كرده‌وه، یان ئه‌وه‌تا له دانووستانه‌كاندا ده‌گه‌ینه رێككه‌وتن یان نا . ئاماژه‌ى به‌وه‌شدا، پڕۆسه‌كه هێشتا زۆر ئه‌سته‌مه.
لاى خۆشیه‌وه جۆن كییرى وه‌زیرى ده‌ره‌وه‌ى ئه‌مه‌ریكا رایگه‌یاند، دانووستانه‌كان پێشڤه‌چوونیان به‌ده‌ستهێناوه، به‌ڵام له‌گه‌ڵ ئه‌وه‌شدا هێشتا كارى زۆر ماوه .
له به‌رامبه‌ریشدا هاوتا ئێرانیه‌كه‌ى مه‌حمه‌د جه‌واد زه‌ریف رایگه‌یاند كه ئێران له‌گه‌ڵ گروپى پێنج كۆیه‌ك هیچ كاتێك ئه‌وه‌نده بۆ گه‌یشتن به رێككه‌وتنى كۆتایى ئه‌تۆمى نزیك نه‌بووه‌نه‌ته‌وه.
