به‌ پێى ئاژانسى هه‌واڵى بى بى سى؛ فه‌رید ئه‌فزه‌لى به‌رپرسى لێكۆڵینه‌وه‌ له‌ تاوانه‌كانى كابۆل رایگه‌یاندوه‌: كه‌ كاتژمێر هه‌شت و نیوى شه‌وى رابردوو كۆمه‌ڵێك چه‌كدار هێرشیان كردوه‌ته‌ سه‌ر هۆتێلی پارك پالاس له‌ كابۆلى پایته‌ختى ئه‌فغانستان و له‌ئاكامدا یازده‌ كه‌س كوژران؛ كه‌ له‌نێوانیاندا هاووڵاتێكى ئه‌مریكایی و دوو هاووڵاتى هندستانى هه‌یه‌ .

هاوكات عه‌بدولڕه‌حمان ره‌حیمى فه‌رمانده‌ى پۆلیسى كابۆل رایگه‌یاند كه‌ له‌ شه‌ڕوپێكدادانى نێوان هێزه‌ ئه‌منییه‌كان و هێرشبه‌ره‌كاندا كه‌ پێنج كاتژمێرى خایاند، پێنج هاوولاتى بیانى و ئه‌فغانیش بریندار بوون و هه‌روه‌ها پۆلیس توانیویه‌تى په‌نجا وچوار كه‌س له‌ ناو هۆتێله‌كه‌ رزگار بكات. به‌ پێى زانیارییه‌كان چه‌كداران دواى شكاندنى ده‌رگاى سه‌ره‌كى هۆتێله‌كه‌ و كوشتنى پاسه‌وانى به‌ر ده‌رگاكه‌ بچنه‌ ناو هۆتێله‌كه‌ كه‌ بڕیار بووه‌ له‌ ناو هۆتێله‌كه‌ كۆنسێرتێك به‌ڕێوه‌ بچێت.