به‌ پێى ئاژانسى هه‌واڵى فارسى ئێرانى؛ مه‌سعود جه‌زاییرى جێگرى فه‌رمانده‌ى گشتى هێزه‌ چه‌كداره‌كانى ئێران؛ هۆشدارى داوه‌ته‌ سعودیه‌ و ئه‌مه‌ریكا كه‌ ئه‌گه‌ر هێرش بكرێته‌ سه‌ر كه‌شتى بارهه‌ڵگرى یارمه‌تییه‌ مرۆییه‌كانى ئێران كه‌ به‌ره‌و یه‌مه‌ن به‌رێوه‌یه‌، شه‌ڕێك له‌ ناوچه‌كه‌ هه‌ڵده‌گیرسێت كه‌ كۆنتڕۆڵى له‌ ژێرده‌ستى ئه‌وان ده‌رده‌چێت .

پێشتر ئاژانسى هه‌واڵى ئیرناى ئێرانى بڵاوى كردبوه‌وه‌؛ كه‌ كه‌شتییه‌ جه‌نگییه‌كانى ئێران به‌رگرى له‌ كه‌شتى بارهه‌ڵگرى ئێران شاهید ده‌كه‌ن كه‌ هه‌ڵگرى یارمه‌تی مرۆییه‌ وبه‌ره‌و به‌نده‌رى ئه‌لحه‌دیده‌ له‌ یه‌مه‌ن به‌ڕێوه‌یه‌ كه‌ له‌ ژێر كۆنتڕۆڵى چه‌كداره‌ حووسییه‌كانه‌.