به‌ پێى ئاژانسى هه‌واڵى ئه‌سۆشه‌یتدپرێس؛ جۆن كێرى وه‌زیرى ده‌ره‌وه‌ى ئه‌مه‌ریكا داواى له‌ په‌رله‌مانى ئه‌مه‌ریكا كرد كه‌ پێشنیازى پێداچوونه‌وه‌ به‌ رێككه‌وتنى ئه‌تۆمى ئێران به‌ بێ هیچ ئاڵ و گۆڕییه‌ك په‌سه‌ند بكات. هه‌روه‌ها رایگه‌یاند: كه‌ سه‌د و په‌نجا ئه‌ندامى كۆنگرێسى ئه‌مه‌ریكا پشتیوانیان له‌ هه‌وڵه‌كانى باراك ئۆباما كردووه‌ و رایانگه‌یاندووه‌: كه‌ پێویسته‌ سه‌رۆكى ئه‌مه‌ریكا توانایى هه‌بێت كه‌ به‌ بێ هیچ ده‌ستێوه‌ردانێك گفتوگۆ بكات .

هه‌روه‌ها جه‌ختى له‌وه‌ كرده‌وه‌ كه‌ پێویسته‌ له‌و كاته‌دا له‌ رێگاى گفتوگۆو دانوستاندن چه‌ند هه‌نگاوێك بۆ ورده‌كارییه‌كانى گرینگ و سه‌ره‌كى رێككه‌وتنى ئه‌تۆمى بنرێت. شایه‌نى باسه‌ ئه‌نجوومه‌نى نوێنه‌ران رۆژى پێنج شه‌ممه‌ى رابردوو پێشنیازى پێداچوونه‌وه‌ به‌ رێككه‌وتنى ئه‌تۆمى ئێرانى به‌ به‌ده‌ست هێنانى ده‌نگى پێویست په‌سه‌ند كرد. به‌ پێى ئه‌و پێشنیازه‌ كۆنگره‌ سیى رۆژ دواى رێككه‌وتنى كۆتایى ئه‌تۆمى ئێران؛ مۆله‌تى ده‌بێت كه‌ بیروبۆچوونى خۆى له‌باره‌ى ئه‌و رێككه‌وتنه‌ رابگه‌یه‌نێت.